Nabi Ibrahim Kekasih Allah, Khutbah Bahasa Jawa Idul Adha 2020

Nabi Ibrahim Kekasih Allah, Khutbah Bahasa Jawa Idul Adha 2020

Posted on

Nabi Ibrahim Kekasih Allah, Khutbah Bahasa Jawa Idul Adha 2020.

Dening: KH Mudhakir, Ketua Lembaga Bahtsul Masail PCNU Sukoharjo.

KLIK DISINI untuk mengirim WA (tanpa harus menyimpan nomor terlebih dahulu) ke Call Center NU Care LAZISNU DIY, untuk konsultasi/tanya-tanya.

Khutbah Pertama

اَللهُ أَكْبَرْ x۳ اَللهُ أَكْبَرx ۳ اَللهُ أَكْبَرx۳, كَبِيْرًا وَاْلَحَمْدُ للهِ كَثِيْرًا, وَسُبْحَانَ اللهِ بُكْرَةً وَأَصِيْلاً, لاَ إِلَهَ إِلاَّ اللهُ وَاللهُ أَكْبَرُ, أَللهُ أَكْبَرُ وَ للهِ الْحَمْدُ
اَلْحَمْدُ للهِ الَّذِي اصْطَفَى اِبْرَاهِيْمَ عَلَيْهِ السَّلاَمُ خَلِيْلًا, وَجَعَلَهُ لِلنَّاسِ إِمَامًا, وَ إِنَّهُ كَانَ صِدِّيْقًا نَبِيًّا, أَشْهَدُ أَنْ لَآ إِلَهَ إِلاَّ اللهُ وَحْدَهُ لاَ شَرِيْكَ لَهُ الَّذِي لَمْ يَتَّخِذْ صَاحِبَةً وَلاَ وَلَدًا, وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الْمَبْعُوْثُ بَشِيْرًا وَنَذِيْرًا, الَّلهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى أَلِهِ وَأَصْحَابِهِ صَلَاةً دَائِمَةً وَ تَسْلِيْمًا كَثِيْرًا, أَماَّ بَعْدُ: فَيَا عِبَادَ اللهِ, أُوْصِيْكُمْ وَاِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ. قَالَ اللهُ تَعَالَى, اَعُوْذُ بِاللهِ مِنَ الشَّيْطَانِ الرَّجِيْم, بسم الله الرحمن الرحيم, يَااَيُّهَا الَّذِيْنَ آمَنُوا اتَّقُوا اللهَ حَقَّ تُقَاتِهِ وَ لَا تَمُوْتُنَّ إِلَّا وَ أَنْتُمْ مُسْلِمُوْنَ
اَللهُ أَكْبَرْ، اَللهُ أَكْبَرْ، اَللهُ أَكْبَرْ وَ للهِ الْحَمْدِ

Monggo kito sesarengan ngunju-aken syukur dateng ngarso dhalem Allah SWT awit peparing nikmat ingkang tanpo kawical-wical, kalebet nikmat kasarasan sahingga enjang puniko kito taksih dipun panggihaken dinten riyoyo Idul Adha 1441 H kanti tanpo manggih rubedho satunggal punopo. Solawat lan salam mugi tansah ka-aturaken dumateng junjungan kito, Nabi Muhammad SAW engkang kito tenggo syafa’atipun wonten ing yaumil qiyamah, aamiin ya robbal ‘aalamiin.

Sa’lajengipun, monggo kito tansah sami netepi taqwa dateng Allah SWT ing sa’dengah kawontenan, sami ugi kawontenan bingah utawi susah, longgar utawi rupeg, lan wekdhal sesarengan kalian tiang sanes utawi piyamba-an, kanthi tansah ninda-aken perintah lan nebihi sedhoyo awisanipun Allah. Kanti taqwa punikolah Allah SWT badhe tanseh nyarengi kito kanti rohmat kawelasan soho kabegjan, wiwit dunyo ngantos akhiroh. Allah SWT paring dhawuh wonten ing QS. An Nahl :128:

إِنَّ اللَّهَ مَعَ الَّذِينَ اتَّقَوْا وَالَّذِينَ هُمْ مُحْسِنُونَ

Artosipun: Sa-estu Allah badhe nyartani tiang-tiang ingkang sami taqwa lan tiang-tiang ingkang tansah ndamel kesaenan.

اَللهُ أَكْبَرْ، اَللهُ أَكْبَرْ، اَللهُ أَكْبَرْ وَللهِ الْحَمْدِ

Ma’asyirol muslimin rohimakumulloh,

Wonten ing dinten puniko, Jum’at, 10 Dzulhijjah 1441 H (31 Juli 2020), kito mengeti ‘Idul Adha utawi ‘Idul Qurban engkang ugi kito kenal kanti Dinten Riyoyo Haji, sinaoso wonten ing musim haji puniko calon jamaah haji Indonesia lan negari-negari sanesipun boten kepareng nglaksana-aken haji dateng Tanah suci Makkah ugi ziyarah Madinah karanten Pemerintah Arab Saudi namung paring ijin dateng jamaah kanti jumlah terbatas lan engkang mukim ten wilayah Saudi kemawon. Keputusan kolowau kangge njagi keamanan, keselamatan lan kesehatan jamaah saking covid-19. Nyegah dateng perkawis engkang saget ngrisak lan mbahaya-aken dateng jiwa puniko pancen kedhah dipun rumiyinaken tinimbang ndumuge-aken kemaslahatan lan kemanfaatan. Setunggalipun Qo’idah fiqhiyyah ngendhika-aken:

دَرْءُ الْمَفَاسِدِ مُقَدَّمٌ عَلَى جَلْبِ الْمَصَالِحِ

Artosipun: Nyegah perkawis-perkawis ingkang ngrisak puniko kedhah dipun rumiyinaken tinimbang ndumuge-aken perkawis-perkawis ingkang maslahah/kesaenan.

Pemerintah Negari kito melalui Kementerian Agama bahkan sampun paring pengumuman pembatalan keberangkatan jamaah haji rikolo tanggal 2 Juni 2020 rumiyen, karanten njagi keselamatan calon jamaah haji. Mugi poro calon jamaah haji engkang boten saget tindhak tahun puniko saget nampi kasunyatan kanti ikhlas lan sabar, lan mugi saget tindhak haji wonten ing tahun ngajeng kanti aman, lancar, lan gampil samudhayanipun. Aamiin yaa robbal ‘aalamiin.

اَللهُ أَكْبَرْ، اَللهُ أَكْبَرْ، اَللهُ أَكْبَرْ وَللهِ الْحَمْدِ

Ma’asyirol muslimin rohimakumulloh,

‘Idul Adha ingkang kito pengeti wonten ing situasi cobaan kadhos mekaten puniko paring pepemut supadhos tansah nyaket/taqorrub dateng Allah SWT kanti na’ati sedhaya perintahipun. Kadhos Nabi Ibrahim as. Rikolo dipun paring ujian supadhos nglampai dhawuh-dhawuhipun Allah, tumuli piyamba-ipun ngelaksana-aken dhawuh-dhawuh kolo wau kanti sempurno. Allah SWT paring dhawuh ten QS Al-Baqoroh: 124 :

وَإِذِ ابْتَلَىٰ إِبْرَاهِيْمَ رَبُّهُ بِكَلِمَاتٍ فَأَتَمَّهُنَّ ۖ

Artosipun: Lan nalikanipun Allah paring ujian dateng Nabi Ibrahim as. kanti perintah-perintahipun, pramilo piyamba-ipun ngelaksana-aken kanti sempurno”.

Wonten ing kitab tafsir Al-Qur’anil ‘Adhim engkang dipun susun Abul Fida’ Ismail bin Umar Ibnu Katsir, lafadh bikalimaatin dipun tafsiri:

أَيْ : بِشَرَائِعَ وَ أَوَامِرَ وَ نَوَاهٍ

Artosipun Nabi Ibrahim as. puniko dipun uji arupi syariat, perintah lan larangan saking Allah SWT. engkang kedhah dipun ta’ati.

اَللهُ أَكْبَرْ، اَللهُ أَكْبَرْ، اَللهُ أَكْبَرْ وَللهِ الْحَمْدِ

Ma’asyirol muslimin rohimakumulloh,

Saestu dhadhos tulodho kito sedoyo pripun anggenipun Nabi Ibrahim as. anggenipun ta’at perintah Allah SWT. Wiwit rikolo Nabi Ibrahim dipun perintahaken mapan manggenaken Siti Hajar lan Ismail as. engkang wekdhal semanten taksih bayi wonten ing lembah (Makkah) engkang tandus, gersang, lan sepi boten wonten tiyang sanes, ugi tebih sanget saking negerinipun piyambak, Palestina.

Ananging dhawuh mekaten dipun lakasana-aken kanti ikhlas lan tawakkal. Allah swt. dahwuh:

ربَّنَا إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ عِندَ بَيْتِكَ الْمُحَرَّمِ رَبَّنَا لِيُقِيمُواْ الصَّلاَةَ فَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ وَارْزُقْهُم مِّنَ الثَّمَرَاتِ لَعَلَّهُمْ يَشْكُرُونَ

“Duh Gusti Allah, saestu kulo sampun mapan manggenake anak keturunan kulo wonten ing lembah engkang boten wonten tanemanipun, wonten ing sandingipun Ka’bah Baitulloh. Duh gusti Allah, mugi anak keturunan kulo tansah njumenengaken shalat, mugi Panjenengan ndadhosaken manah tiang kathah sami condong/tresno dateng anak keturunan kulo, lan mugi Panjenengan paring rizki arupi woh-wohan supadhos sami tansah syukur dateng Panjenengan.” (QS Ibrahim: 37)

Baca Juga >  Orang Beriman Hidupnya Sungguh-sungguh dan Kreatif

Awit ikhlas lan sabar anggenipun Nabi irahim ta’at perintah Allah SWT soho doanipun, lembah engkang sak derengipun gersang lan tandus, tumuli dhadhos kathah toyonipun, tiang kathah sami dumugi sahinggo Makkah dhadhos kota ingkang aman lan makmur. Lan Ngantos sak meniko lan sak lami-laminipun, Makkah badhe tansah dipun kunjungi jamaah haji lan tansah dipun paring rizki lan keberkahan saking Allah SWT.

Kalebet ujian Nabi Ibrahim as. engkang saestu awrat arikalanipun nampi dhawuh Allah SWT lumantar mimpi ingkanh haq, supadhos ngorbanaken keng putro, Ismail as, ingkang wekdal semanten nembe ngancik yuswo 7 tahun. Sinaoso perintah puniko awrat sanget lan ugi dipun godha Iblis supadhos boten nglaksana-aken, ananging Nabi Ibrahim as. sampun mantep niat, taqwa lan tawakkalipun dateng Allah SWT. Perintah kolowau dipun laksana-aken lan saestu Allah paring anugerah ingkang ageng, dipun gantos kanthi 1 ekor kambing minongko qurbanipun.

Kadhos mekatenlah, pramilo Nabi Ibrahim as. nampi gelar “kholiilullooh” (kekasihipun Allah SWT) karanten wonten ing manahipun puniko namung mahabbatulloh, tresno dateng Allah SWT engkang dipun bukte-aken kanti sabar lan ikhlas naati sedhoyo dawuh-dhawuhipun.

اَللهُ أَكْبَرْ، اَللهُ أَكْبَرْ، اَللهُ أَكْبَرْ وَللهِ الْحَمْدِ

Ma’aasyirol muslimiin rohimakumullooh,

Bilih kanti sabar taat perintah Allah punikolah, kito kedhah husnudhdhonn lan ngagengaken harapan dateng Allah, bilih Allah badhe tansah mirsane kito kanti welas asihipun, pangreksanipun, lan midhanget soho paring ijabah dateng doa kito sedhoyo. Allah SWT dhawuh:

وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا

Artosipun: Lan sabaro siro marang ketetapan Pengeraniro, karono siro iku ono ing pengawasan Ingsun, Allah SWT. (At-Thur: 48)
Nopo malih wonten ing kawontenan ujian ingkang kito adepi kadhos mekaten, kedhah tansah nyaket lan ndhedonga wonten ngrasanipun Allah SWT. Nabi Muhammad SAW. paring dhawuh:

إِذا أحَبَّ الله عَبْداً ابْتَلاهُ لِيَسْمَعَ تَضَرُّعَهُ

Arikalanipun Allah tresno dateng kawulanipun, Allah badhe paring ujian/cobaan supadhos miring donga/ dhedeple/taqorrub kawulanipun kolowau (HR Baihaqi).

Tentunipun, boten cekap namung ikhtiyar batin kanti ndonga wonten ngarsanipun Allah. Ananging kedhah mbudhidhoyo sarono ikhtiyat lahir kanti nderek himbauan Ulama’ lan pemerintah supadhos njagi keselamatan lan kesehatan diri kito kanti netepi protocol pencegahan lan kesehatan saking covid-19 engkang sampun katetepaken. Misalipun, wekdhal samangke kito sareng-sareng nglaksana-aken tugas wonten ing ibadah udhiyyah/penyembelihan hewan qurban. Milai saking penyembelihan, nyacah, mbungkus, ngantos masrahaken dateng tiang engkang berhak nampi, puniko kanti nyawisaken sarana cuci tangan kanti sabun utawi hand sanitizer ten lokasi penyembelihan, tansah ngagem masker, berupaya njagi jarak antawis setunggal lan setunggalipun, lan sanes-sanesipun.

Ma’asyiral Muslimin rohimakumullooh,

Wusananipun, kanti riyoyo ‘Idul Adha ing dinten puniko, monggo kito mbudhidhoyo ngalap i’tibar/piwucal lan tulodho saking Nabi Ibrahim ‘alaihissalam. Lan mugi-mugi Allah tansah midhanget lan ngijabahi dungo panyuwunan kito, Allah paring kasarasan lahir lan bathin dateng kito, wabah covid-19 puniko enggalo sirno saking daerah kito, negari kito, lan negari-negari sedherek muslimin lan muslimat sealam dunyo. Mugi Allah andhadhosaken keluarga lan masyarakat kito tansah manggih kabegjan lan kawilujengan, fiddunya wal akhiroh. Aamiin yaa robbal ‘aalamiin..

بَارَكَ اللهُ لِي وَلَكُمْ فِي الْقُرْآنِ الْكَرِيْمِ * وَنَفَعَنِي وَإِيَّاكُمْ بِما فيه من اْلآيَاتِ وَالذِّكْرِ الْحَكِيْمِ * إِنَّهُ هُوَ التَّوَّابُ الرَّحِيْمُ * وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ *

Khutbah II: Nabi Ibrahim Kekasih Allah, Khutbah Bahasa Jawa Idul Adha 2020.

اللهُ أَكْبَرُ اللهُ أَكْبَرُ اللهُ أَكْبَر* اللهُ أَكْبَرُ اللهُ أَكْبَرُ اللهُ أَكْبَرُ* اللهُ أَكْبَرُ, كَبِيْرًا وَالْحَمْدُ للهِ كَثِيْرًا * وَسُبْحَانَ اللهِ بُكْرَةً وَأَصِيْلاً * لاَ إِلَهَ إِلاَّ اللهُ وَاللهُ أَكْبَرْ * اللهُ أَكْبَرُ وَللهِ اْلحَمْدُ *
اَلْحَمْدُ للهِ الْمَلِكِ اْلحَنَّانِ* أَشْهَدُ أَنْ لاَ إِلَهَ إِلاَّ اللهُ الْوَاحِدُ الْمَنَّانُ* وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّعِي إِلَى الْجِنَانِ* اَللَّهُمَّ صَلِّ وَ سَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أُوْلِى اْلعِرْفَانِ *

أَمَّا بَعْدُ، فَيَا عِبَادَ الله، أُوْصِيْكُمْ وَنَفْسِي بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ* وَاْعلَمُوْا أَنَّ يَوْمَكُمْ هَذَا يَوْمُ اْلعِيْدِ وَيَوْمُ اْلفَرَحِ وَالسُّرُوْرِ* قَالَ اللهُ تَعَالَى, اَعُوْذُ بِاللهِ مِنَ الشَّيْطَانِ الرَّجِيْم, بسم الله الرحمن الرحيم * إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيّ, يَآأَيُّهَا الَّذِيْنَ آَمَنُوْا صَلُّوْا عَلَيْهِ وَسَلِّمُوْا تَسْلِيْمًا* اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ * وَعَلَى آَلِهِ وَصَحْبِهِ اَجْمَعِيْن * وَ الْحَمْدُ للهِ رَبِّ الْعَالَمِيْن * اَللَّهُمَّ اغْفِرْ لَنَا وَ لِلْمُؤْمِنِيْنَ وَالْمُؤْمِنَاتِ* وَالْمُسْلِمِيْنَ وَالْمُسْلِمَاتِ* اَلْأَحْيَاءِ مِنْهُمْ وَ اْلاَمْوَات* اَللَّهُمَّ انْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ* وَأَلِّفْ بَيْنَ قُلُوْبِ الْمُؤْمِنِيْنَ * وَفَرِّجْ عَنِ الْمَكْرُوْبِيْنَ* وَاقْضِ الدَّيْنَ عَلَى الْمَدْيُوْنِيْنَ* اَللَّهُمَّ ادْفَعْ عَنَّا اْلغَلاَءَ وَالْبَلاَءَ وَالْوَبَاءَ وَالْفَحْشَاءَ وَالْمُنْكَرَ وَاْلبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ مَا ظَهَرَ مِنْهَا وَمَا بَطَنَ مِنْ بَلَدِنَا هَذَا خَاصَةً وَمِنْ بُلْدَانِ اْلمُسْلِمِيْنَ عَامَةً إِنَّكَ عَلَى كُلِّ شَيْءٍ قَدِيْرٌ * رَبَّنَا آتِنَا فِي الدُّنْيَا حَسَنَةً وَّ فِي الْآخِرَةِ حَسَنَةً وَّ قِنَا عَذَابَ النَّار* وَ الْحَمْدُ للهِ رَبِّ الْعَالَمِيْن. آمِيْن يَا رَبَّ الْعَالَمِيْن.

عِبَادَ اللهِ،

إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتَاءِذِى اْلقُرْبَى وَيَنْهَى عَنِ اْلفَحْشَاءِ وَالْمُنْكَرِ وَاْلبَغْىِ يَعِظُكُمْ لَعَلَّكُمْ تَذَكَّرُوْنَ* وَاشْكُرُوْهُ عَلَى نِعَمِهِ يَزِدْكُمْ وَاسْئَلُوْهُ مِنْ فَضْلِهِ يُعْطِكُمْ وَلَذِكْرُ اللهِ أَكْبَرُ*
السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

Demikian naskah Nabi Ibrahim Kekasih Allah, Khutbah Bahasa Jawa Idul Adha 2020, semoga manfaat ulasan Nabi Ibrahim Kekasih Allah ini bermanfaat.