4 Makna Semangat Kurban, Khutbah Bahasa Jawa Idul Adha 2020

4 Makna Semangat Kurban, Khutbah Bahasa Jawa Idul Adha 2020

Posted on

4 Makna Semangat Kurban, Khutbah Bahasa Jawa Idul Adha 2020.

Dening: Kyai Ahmad Munir, Sekretaris MWC NU Playen Gunungkidul.

KLIK DISINI untuk mengirim WA (tanpa harus menyimpan nomor terlebih dahulu) ke Call Center NU Care LAZISNU DIY, untuk konsultasi/tanya-tanya.

Khutbah 1: Nuwuhaken Semangat Qurban

اَللّٰهُ أَكْبَرُ ۹ x

كَبِيْرًا وَالْحَمْدُ لِلّٰهِ  كَثِيْرًا وَسُبْحَانَ اللّٰهِ بُكْرَةً وَ أَصِيْلاً، لاَ إِلٰهَ إِلاَّ اللّٰهُ وَ اللّٰهُ أَكْبَرُ، أَللّٰهُ أَكْبَرُ وَ لِلّٰهِ الْحَمْدُ.

أَلْحَمْدُ لِلّٰهِ الَّذِى اصْطَفَى إِبْرَاهِيْمَ عَلَيْهِ السَّلاَمُ خَلِيْلاً، وَجَعَلَهُ لِلنَّاسِ إِمَامًا، إِنَّهُ كَانَ صَدِيْقًا نَبِيًّا. أَشْهَدُ أنْ لاَ إِلٰهَ إِلاَّ اللّٰهُ وَحْدَهُ لاَ شَرِيْكَ لَهُ الَّذِى لَمْ يَتَّحِذْ صَاحِبَةً وَ لاَ وَلَدًا، وَ أَشْهَدُ أَنَّ مُحَمَّدًا عَبْدُهُ وَ رَسُوْلُهُ الْمَبْعُوْثُ بَشِيْرًا وَ نَذِيْرًا. أَللّٰهُمَّ صَلِّ وَ سَلِّمْ وَ بَارِكْ عَلَى سَيِّدِنَا مُحَمَّدٍ وَ عَلَى أٰلِهِ وَ أَصْحَابِهِ وَ سَلِّمْ تَسْلِيْمًا كَثِيْرًا.  أَمَّا بَعْدُ: فَيَا عِبَادَ اللّٰهِ أُوْصِيْكُمْ وَ إِيَّايَ بِتَقْوَى اللّٰهِ وَ طَاعَتِهِ لَعَلَّكُمْ تُفْلِحُوْنَ.

Hadirin, kaum muslimin-muslimat rahimakumullah.

Saksampunipun muji syukur dhumateng Allah SWT soho nyuwun syafa’atipun Kanjeng Nabi Muhammad SAW,  mangga kita tansah mbudidaya saha ningkataken iman lan taqwa kita dhumateng Allah SWT. Inggih punika, kanthi taat dhumateng sedaya dawuhipun Allah lan Rasulullah saha nebihi sedaya awisanipun. Allah SWT sampun paring pepenget:

وَمَنْ يُّطِعِ اللّٰهَ وَرَسُوْلَهٗ وَيَخْشَ اللّٰهَ وَيَتَّقْهِ فَاُولٰۤىِٕكَ هُمُ الْفَاۤىِٕزُوْنَ ٥٢

“Sing sapa wonge taat marang Allah lan Rasulipun serta dheweke wedi lan taqwa dhumateng Allah, mangka wong-wong kang mengkana mau iku wong-wong kang padha oleh kabegjan.” (QS. An-Nur: 52)

أَللّٰهُ أَكْبَرُ، أَللّٰهُ أَكْبَرُ، أَللّٰهُ أَكْبَرُ  وَ لِلّٰهِ الْحَمْدُ.

Suasana Idul Adha sakpuniko mboten kados adat biasanipun. Kita nglaksanaaken pangibadahan sholat Id soho qurban wonten ing kahanan musibah pandemi covid-19. Nopo malih tahun punika Indonesia lan mapinten-pinten negara ing dunya punika mboten saget nindaaken ibadah haji wonten ing Tanah Suci kranten pandemi covid-19 ingkang sampun mewabah ten pundi-pundi mapan.

Pramilo monggo kita tansah ikhtiar lahir kanthi taat protokol kesehatan, lan ikhtiar batin kanthi ngathah-ngathahaken doa lan munajat serta ibadah dhumateng Gusti Allah mugi musibah punika enggal ical saking dunya punika, dipun gantos rahmat lan welas asihipun Allah Swt.

أَللّٰهُ أَكْبَرُ، أَللّٰهُ أَكْبَرُ، أَللّٰهُ أَكْبَرُ  وَ لِلّٰهِ الْحَمْدُ.

Jamaah kaum muslimin wal muslimat rahimakumullah,

Saklajengipun monggo kita ngrenungaken soho mendet i’tibar saking syari’at Idul Qurban khususipun wonten ing kahanan musibah kados mekaten, sahinggo saget tambah keimanan kita.

 Sepisan, Idul Adha minangka sarana ngagungaken asma Allah SWT. Makna punika wonten ing waosan takbir (Allahu Akbar), tahlil (La ilaha illallah), tasbih (subhanallah), saha tahmid (wa lillahilhamd). Waosan punika kita dzikiraken nalika mlebet dinten ‘Idul Adha dumugi akhir yaumuttasyriq. Pramila, kita kedah emut bilih saestu Allah punika Dzat ingkang Maha Agung, namung dhumateng Allah kita nyembah saha ‘ibadah, lan sedaya ni’mat punika namung kagunganipun Allah SWT.

لِلَّهِ مَا فِي السَّمَاوَاتِ وَمَا فِي الْأَرْضِ

“Kagungani-Pun (Allah) menapa ingkang wonten ing langit lan bumi.” (QS. Al-Baqarah: 284).

Menawi kita saget ngangen-angen makna punika, saestu mboten pantes wonten sifat takabur, ‘ujub, gumedhe, lan sejenisipun mapan wonten ing awak lan manah kita. Sebab, sedaya keagungan punika namung kagunganipun Allah SWT, lan nikmat ingkang kita tampi punika minangka titipan (amanah) saking Allah.  Sifat takabur lan ‘ujub menika ingkang saget nutupi cahaya hidayahipun Allah mlebet wonten ing manah kita.

أَللّٰهُ أَكْبَرُ، أَللّٰهُ أَكْبَرُ، أَللّٰهُ أَكْبَرُ  وَ لِلّٰهِ الْحَمْدُ.

Jamaah kaum muslimin wal muslimat rahimakumullah,

Kaping kalih, Idul Adha ugi sarana syukur dhumateng Allah SWT. Kita kedah ngrumaosi bilih ni’matipun Allah mboten nate kendat dipun paringaken dhumateng kita senajan wonten ing kahanan musibah. Sakmestinipun, nikmat punika kita syukuri. Lan, wujud syukur punika inggih kanthi ibadah ingkang ikhlas.

Ing wekdal punika kita dipun dawhi supados nyembelih hewan qurban. Perintah nyembelih hewan qurban sampun dipun sebat kanthi cetha wonten ing al-Qur’an:

اِنَّآ اَعْطَيْنٰكَ الْكَوْثَرَۗ ١ فَصَلِّ لِرَبِّكَ وَانْحَرْۗ ٢ اِنَّ شَانِئَكَ هُوَ الْاَبْتَرُ ࣖ ٣

 “Saktemene Ingsun (Allah) wus maringake marang sira (Muhammad) nikmat kang akeh (1), Mula sholato siro krana Pangeran siro lan gaweyo kurban siro (2), Saktemene wong kang nyengiti siro, hiya dheweke iku wog kang cunthel (3). (QS. Al-Kautsar: 1-3).

Saking ayat punika, kita dipun dawuhi supados njumenengaken sholat (ibadah) saha nyembelih hewan qurban minangka wujud tunduk lan syukur kita dhumateng Allah SWT.

Syekh Nawawi ngendikaaken:

وَ هُوَ (الشُّكْرُ) سَبَبٌ لِإِبْقَاءِ النِّعَمِ الْمَوْجُوْدَةِ وَ وَسِيْلَةٌ إِلَى حُصُوْلِ النِّعَمِ الْمَفْقُوْدَةِ.

“Syukur dados sebab tetepipun nikmat ingkang dipun tampi lan dados wasilah ndugeaken nikmat ingkang bade/ dereng dipun tampi”.

 أَللّٰهُ أَكْبَرُ، أَللّٰهُ أَكْبَرُ، أَللّٰهُ أَكْبَرُ  وَ لِلّٰهِ الْحَمْدُ.

Jamaah kaum muslimin wal muslimat rahimakumullah,

Baca Juga >  Khutbah Super Singkat Idul Fitri 1441 Hijriyah di Tengah Covid-19

Kaping tiga, ‘Idul Adha ngajaraken dhumateng kita supados ikhlas nampi dhawuh lan peparingipun Allah SWT. Sedaya ingkang kita tampi lan tresnane wonten ing alam dunyo punika minangka amanah lan kagunganipun Allah. Sakwanci-wanci dipun pundut dening Allah kita kedah ikhlas.

Kadosto Nabi Ibrahim ingkang ikhlas nampi dhawuhipun Allah SWT supados nyembelih putra kinasihipun, ingkang asma Nabi Ismail a.s. Allah langkung dipun tresnani lan dhawuhipun Allah ingkang langkung dipun utamaaken. Meniko minongko ujian saking Allah. Lajeng, Allah nggantos hewan domba ingkang supados dipun sembelih wekdal semanten.

اِنَّ اِبْرٰهِيْمَ كَانَ اُمَّةً قَانِتًا لِّلّٰهِ حَنِيْفًاۗ وَلَمْ يَكُ مِنَ الْمُشْرِكِيْنَۙ ١٢٠

“Saktemene Ibrahim iku sawijining imam kang biasa didadeake tuladha tur patuh marang Allah kang hanif. Lan, babar pisan panjenenganipun ora klebu golongane wong-wong kang musyrik” (QS. An-Nahl (16): 120)

Saestu, Allah tansah bade nguji keimanan, keikhlasan, lan kepasrahan kita dhumateng Allah. Ingkang wujudipun tentu kemawon saget benten-benten. Menawi kita saget lulus saking ujian, Allah bade paring nikmat lan derajat ingkang langkung sae. Kadosto ingkang dipun paringaken dhumateng Nabi Ibrahim a.s.

شَاكِرًا لِّأَنْعُمِهِ ۚ ٱجْتَبَىٰهُ وَهَدَىٰهُ إِلَىٰ صِرَٰطٍ مُّسْتَقِيمٍ

وَءَاتَيْنَٰهُ فِى ٱلدُّنْيَا حَسَنَةً ۖ وَإِنَّهُۥ فِى ٱلْءَاخِرَةِ لَمِنَ ٱلصَّٰلِحِينَ

“(tur maneh) kang nyukuri marang nikmat-nikmate Gusti Allah. Gusti Allah wis milih panjenenganipun (Ibrahim) lan nuduhake marang dalan kang lempeng.

Lan Ingsun (Allah) wis maringi marang Ibrahim kebagusan ing dunyo, lan saktemene panjenenganipun (Ibrahim) ing akherat yekti kalebu wong-wong kang  podo shalih. (QS. An-Nahl: 121-122).

 Kaping sekawan, minangka sarana welas dhumateng sesami. Tuntunan Rasulullah SAW bilih tiyang ingkang qurban (shahibul qurban) namung saget mendet maksimal 1/3 (sepertiga) bagian, nedahaken bilih kita kedah nyebaraken raos welas asih dhumateng sesami, utaminipun ingkang mbetahaken santunan. Kanthi syari’at qurban, sedaya umat saget ngraosaken bingah. Menapa ingkang dipun ni’mati kaum aghniya’ (kaum ingkang mampu/sugih) ugi saget dipun raosaken kum fakir-miskin. Sanesipun saget nuwuhaken raos ukhuwah islamiyah, qurban ugi wujud etika kaum aghniya’ dhumateng kaum fakir-miskin. Miturut imam Al-Ghazali wonten ing kitab Bidayah al-Hidayah, nyebataken bilih etika kaum aghniya’ antawisipun inggih punika welas dhumateng kaum fuqara’, ambiantu ing kesaenan, lan istiqamah syukur.

أَللّٰهُ أَكْبَرُ، أَللّٰهُ أَكْبَرُ، أَللّٰهُ أَكْبَرُ  وَ لِلّٰهِ الْحَمْدُ.

Jamaah kaum muslimin wal muslimat rahimakumullah,

Mugi kita sedaya saget mujudaken semangat ‘Idul Qurban wonten ing saben dintenipun lan saget ningkataken kualitas sesrawungan kita, sahingga kanthi ‘Idul Adha punika tuwuh ukhuwah ingkang sae, saha ningkat kaimanan saha kataqwaan kita dhumateng Allah SWT. Amin.

جَعَلَنَا اللّٰهُ وَ إِيَّاكُمْ مِنَ الْمُخْلِصِيْنِ السَّالِمِيْنَ الْغَانِمِيْنَ الْمَقْبُوْلِيْنَ. وَ قُلْ رَّبِّ اغْفِرْ وَ ارْحَمْ وَ أَنْتَ خَيْرُ الرَّاحِمِيْنَ.

Khutbah II: 4 Makna Semangat Kurban, Khutbah Bahasa Jawa Idul Adha 2020.

اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَللهُ أَكْبَرُ اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِي إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.

اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ

اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَالدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.

رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَر.

Demikian 4 Makna Semangat Kurban, Khutbah Bahasa Jawa Idul Adha 2020, semoga 4 Makna Semangat Kurban, Khutbah Bahasa Jawa Idul Adha 2020 ini bermanfaat.