Khutbah Jum’at tentang Ibadah Bulan Syawal, Pakai Bahasa Jawa

Khutbah Jum’at tentang Ibadah Bulan Syawal, Pakai Bahasa Jawa.

Khutbah Jum’at bahasa Jawa kali ini menjelaskan tentang ibadah bulan syawal. Khutbah Jumat ini ditulis KH Damanhuri, Rais Syuriah PCNU Bantul.

Khutbah I: Nuhoni Kumawulo.

Para Sederek Kaum Muslimin Rahimakumullah, 

Mangga sami kita nambahi taqwa lan taqwa kita  dumateng Allah, kanti ngestokaken dawuh-dawuhipun,  lan nebihi sedaya awisanipun. Kanti taqwa dumateng  Allah punika kita bade kaparingan kanugerahan saking  ngarsa dalem Allah Ta’ala. 

Para Sederek Jama’ah Jum’ah Rahimakumullah 

Kita tentu sampun uninga bilih estunipun taat dateng  Allah kanti nindakaken sedaya perintahipun Allah lan  nebihi awisanipun Allah punika kangge kesahenan kita  piyambak, Kosok wangsulipun nilar lan nglirwakaken  dawuhipun Allah saha nerjang awisan lan nerak  wewaleripun Allah punika dados sumbering karisakkan  lan kasengsaraning gesang kita, wiwit dunya ngantos  dumugining akhirat. Bab menika Allah sampun paring  pepenget dateng kita kanti dawuhipun :

وَمَنْ اَعْرَضَ عَنْ ذِكْرِيْ فَاِنَّ لَهٗ مَعِيْشَةً ضَنْكًا وَّنَحْشُرُهٗ يَوْمَ الْقِيٰمَةِ اَعْمٰى

“Sapa wonge mengo sangka eling Ingsun, mesti bakal nemahi  panguripan kang rupeg, lan bakan Ingsun giring wong kuwi  besuk dina qiyamat kanti kahanan wuta”. ( QS. Thaha: 124) 

Dawuh menika minangka pepenget tumrap kita ampun  ngantos kita nglirwakaken dawuhipun Allah saha  ampun ngantos kumawantun nerak lan nerjang  awisanipun Allah. Pagesangan kita bade nemahi  samsara dunya ngantos dumugining akhirat. 

Mboten wonten sarana kangge nggayuh kabegjaning  gesang punika kejawi namung nderek dateng pranatan  lan tuntunan syari’at agaminipun Gusti Allah, mekaten  ugi mboten wonten margi nggayuh kawilujengan lan  kalis saking bebaya kejawi namung kanti sarana nyaket  lan taqarrub dateng ngarsa dalem Allah Ta’ala.

Dene margi lan sarana taqarrub dateng Allah punika  katah sanget cara ingkang saget kita tempuh, ananging  ingkang langkung utami lan prayogi kita tindakken  tentu kanti nuhoni dateng kwajiban lan ibadah fardlu  langkung rumiyin. Ampun ngantos ingkang fardlu  dipun lirwakaken, ingkang dawah sunnat malah dipun  tengenaken.  

Kados wekdal kapengker shalat tarawih sewulan muput  dipun ayahi, shalat fardlu gangsal wekdalipun malah  alasan prei. Shalat riyaya nganti dinggo sulaya, nanging  shalat fardlu limang wektu malah ora tahu. Pramila  ibadah sunnat utami dipun tindakaken nanging ibadah  fardlu kedah dipun rumiyinaken. Rasulullah sampun  paring dawuh ing hadits Qudsi : 

وَمَاتَقَرَّبَ اِليَّ عَبْدِيْ بِشَيْىءٍ أَحَبُّ اِلَيَّ مِنْ أَدَاءِ مَاافْتَرَضَيْتُهُ عَلَيْهِ

“Ora tumindak ngibadah keparek kawulaningsun marang  Ingsun kelawan sawijining penggawe ibadah kang luwih  Ingsun tresnani katimbang ngelakoni perkara kang Ingsun  wajibake tumrap deweke” (HR. Al Bukhari ). 

Bapak-bapak, jama’ah Jum’ah Rahimakumullah 

Ibadah fardlu ingkang dipun tindakaken saget  minangka sarana taqarrub kita dateng Allah tentu  menawi sampun netepi tata cara ingkang leres menggah  tuntunan syari’at, kanti netepi syarat lan rukun saha  katindak aken kanti ikhlash murih karidlanipun Allah. 

Ampun ngantos tumindak ibadah nanging kecampuran  niyat lan tujuan sanes, amergi namung bade  ngrisakaken ibadah kita. Allah dawuh ing Al Qur’an :

وَمَآ اُمِرُوْٓا اِلَّا لِيَعْبُدُوا اللّٰهَ مُخْلِصِيْنَ لَهُ الدِّيْنَ

“Lan manungsa iku ora di perintah kejaba supaya ngibadah  marang Allah kelawan murniake agama kerana Allah” (QS.  Al Bayyinah : 5). 

Pramila mangga samu kawis tuminndak ibadah kita  niyati ingkang ikhlas kangge nggayuh karidlanipun  Allah, Insya Allah kita bade manggih kabekjaning  gesang dunya lan akhirat, ugi kalebet kekasih  menggahipun Allah Ta’ala; Kados dawuhipun : 

لَهُمُ الْبُشْرَىٰ فِي الْحَيَاةِ الدُّنْيَا وَفِي الْآخِرَةِ

“…………, tumrape wong wong mau oleh kebungahan urip  ana ing dunya lan ing akhirate”. (QS. Yunus 64). 

Mugi kita kalebetna kawula ingkang tansah nuhoni  kwajiban kumawula dateng Allah kanti istiqamah  wusananipun pikantuk ridlanipun Allah Ta’ala.

Khutbah II: Khutbah Jumat tentang Ibadah Bulan Syawal, Pakai Bahasa Jawa.

اَلْحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا اَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ 

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ اَعِزَّ اْلاِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ وَاعْلِ كَلِمَاتِكَ اِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. 

عِبَادَاللهِ ! اِنَّ اللهَ يَأْمُرُنَا بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ اَكْبَرْ 

Demikian Khutbah Jum’at tentang Ibadah Bulan Syawal, Pakai Bahasa Jawa, semoga bermanfaat. Amin.