Ini Rahasia Guru Sekumpul Sering Bertemu Rasulullah
Ujar Guru Sekumpul:
” lamun nyawa nang’ae handak ditamui Rasulullah saw sakalipun cuma dalam mimpi, ini amalannya nang’ae.
malihat muha Rasulullah saw ni’mat nang paling ganal didunia ne jer sidin.”
Ini amalannya:
1-Satiap hari baca istighfar dan shalawat sebanyak-banyaknya sehari minimal 70x sehari. Kita manusia ne satiap hari pasti badosa lawan tuhan. Dosa yang kada disengaja ataupun sengaja, jadi minta ampun dulu lawan tuhan lawan baca shalawat.
2-Sabalum guring,handaknya kita musyahadahkan Rasulullah SAW hadir dihadapan kita, handak nyaman di rumah harus baisi foto/gambar maqomnya Rasulullah SAW kita lihati gambar maqom Rasulullah SAW seakan-akan kita berada di Madinah dimuka maqom Rasulullah SAW dengan mata tertutup.
3-Bacalah surah Al Fatihah, hadiahkan lawan Rasulullah SAW.
4-Sabalum guring, batawashul dulu lawan wali=wali, misalnya lawan Syaikh Semman atau datu Arsyad kalampayan. Dengan berkat Syaikh Semman atau datu Arsyad kalampayan, Rasulullah SAW hadir.
5-Qiyamul layl (shalat malam) sekalipun cuma 2 roka’at sudah cukup. Do’anya shalawat kamilah 33x.
6-Jangan dibuka aib orang. Simpan baik-baik aib orang sebagaimana kita menyimpan aib diri kita sendiri.
7-Berwudhu sebelum tidur.
Nang 7 nginih harus kita gawe satiap hari/istiqomah manggawenya Insya Allah kada dimatiakan kita didunia ini sebelum ditamui Rasulullah saw dalam jaga atau dalam mimpi.
kadada ni’mat nang paling bagus kacuali malihat muha Rasulullah saw.
Ujar sidin,ilmu jangan disimpan sorangan,
jangan engken lawan ilmu.
ilmu bila dibariakan pasti bertambah, siapa nang manyambunyiakan ilmu maka kaina diakhirat parutnya ganal/bangkak,
maka itu ilmu harus dibagi2 bukan untuk disimpan.
Ujar sidin “siapa nang parnah tamimpi lawan Rasulullah saw atau batamuan langsung, maka hidupnya kada pernah sedih, pasti gembira terus, kadada masalah dalam hidupnya sekalipun bala dan musibah menimpa dirinya.
Catatan papadah sidin tahun 2003 dirumah sidin.
Mudahan kita barataan jangan dimatiakan sabalum malihat muha Rasulullah SAW dalam keadaan jaga atau dalam mimpi karena kita ummat sidin.sidin mangganang lawan kita.kita jua harus mangganang lawan sidin.
Mudahan berkat abah Zaini kita bisa bamimpi atau batamu lawan Rasulullah saw…
Aamiin Aamiin ya rabbal a’lamiin..!!!
Penulis: Muhammad Zainuddin bin H Abdurrahman, santri Guru Sekumpul
_______________
Semoga artikel yang berjudul Ini Rahasia Guru Sekumpul Sering Bertemu Rasulullah ini memberikan manfaat dan barokah untuk kita semua, aminn..
simak artikel terkait disini
kunjungi juga channel youtube kami di sini
