puisi ning izzati magelang
Budaya

Puisi Ning Ulya Izzati, Magelang: Syiir Tanpo Hoax

Puisi Ning Ulya Izzati, Magelang: Syiir Tanpo Hoax

Eling-eling siro menungso
Iki jaman wus soyo bedo
Mbiyen kacu saiki tisu
Kabeh ono yen kuat tuku

Serba canggih iku teknologi
Mundak cepet nyebar informasi
Nanging sayang ora dibarengi
Akal sehat akhlaq terpuji

Ora ono iso dadi ono
Katon bener jebul reko doyo
Mung sepisan anggone nutul
Ora sadar yen wus ketungkul

Sajak koyo ngajak ngibadah
Nanging malah ngrusak aqidah
Sopo wae iso dadi ahli
Ilmu agama hinggo geologi

Thirik-thirik nyusun ukarane
Kari opo kepentingane
Pasang poto palsu ben ketok nyoto
Tujuane ben podo percoyo

Sing kapusan yo awak dewe
Sing ngapusi ra ketok buntute
Kudu sadar lan mawas diri
Ojo gelem yen dibodoni

Ayo konco eling-elingan
Berita hoax ojo disebarkan
Senajan bener ono nyatane
Kudu nimbang kemanfaatane

Disyukuri diparingi driji
Opo maneh hape ne for ji
Kanggo alat gawe keapikan
Ning akhirat dijaluk pertanggungjawaban

Sholatullah salamullah
‘ala thoha Rosulillah
Sholatullah salamullah
‘ala yasin habibillah

Magelang, 1 Oktober 2018

donasi bangkit

1 Komentar

Klik untuk komentar

Advertisement

Fans Page

Advertisement