khutbah idul fitri
Khutbah

Idul Fitri Mujudaken Sifat Taqwa

Dening : Ustad Ahmad Munir

(Pengurus LTN PWNU DIY & Sekretaris MWC NU Kec. Playen)

اللهُ أَكْبَرُ (x۹)

اللهُ أَكْبَرُ كَبِيْرًا وَ الْحَمْدُ لِلَّهِ كَثِيْرًا وَ سُبْحَانَ اللهِ بُكْرَةً وَ أَصِيْلاً. لَا إِلَهَ إِلاَّ اللهُ وَ اللهُ أَكْبَرُ. اللهُ أَكْبَرُ وَ لِلَّهِ الْحَمْدُ

اَلْحَمْدُ لِلَّهِ الَّذِى جَعَلَ الْأَعْيَادَ باِلْأَفْرَاحِ وَ السُّرُوْرِ وَ ضَاعَفَ لِلْمُتَّقِيْنَ جَزِيْلَ الْأُجُوْرِ، وَ كَمَّلَ الضِّيَافَةَ فِي يَوْمِ الْعِيْدِ لِعُمُوْمِ الْمُؤْمِنِيْنَ بِسَعْيِهِمِ الْمَشْكُوْرِ. أَشْهَدُ أَنْ لَا إِلَهَ إِلَّا اللهُ وَحْدَهُ لاَ شَرِيْكَ لَهُ الْعَفُوُّ الْغَفُوْرُ. وَ أَشْهَدُ أَنَّ سَيِّدَنَا مُحَمَّدًا عَبْدُهُ وَ رَسُوْلُهُ الرَّحِيْمُ الْمَشْهُوْرُ. صَلَّى اللهُ عَلَى سَيِّدِنَا مُحَمَّدٍ وَ عَلَى اَلِهِ وَ أَصْحَابِهِ الَّذِيْنَ كَانُوْا يَرْجُوْنَ تِجَارَةً لَنْ تَبُوْرَ وَ سَلَّمَ تَسْلِيْمًا كَثِيْرًا

اللهُ أَكْبَرُ (۳) لَا إِلَهَ إِلَّا اللهُ وَ اللهُ أَكْبَرُ. اللهُ أَكْبَرُ وَ لِلَّهِ الْحَمْدُ

أَمَّا بَعْدُ: فَيَا اَيُّهَا الْإِخْوَانِ وَ الْأَخْوَاتُ رَحِمَكُمُ اللهُ! أَوْصِيْكُمْ وَ نَفْسِيْ بِتَقْوَى اللهِ وَ طَاعَتِهِ فَقَدْ فَازَ الْمُتَّقُوْنَ

Hadirin wal hadirat, jamaah sholat ‘Idul Fitri, rahimakumullah.

Minangka purwakaning atur, monggo kito tansah ngunjuaken raos syukur wonten ngarso dalem Allah SWT ingkang tansah paring hidayah soho nikmatipun dhumateng kito sedoyo, sahinggo wonten ing wekdal puniko kito saget sareng-sareng nglaksanaaken shalat ‘Idul Fitri kanthi berjamaah. Shalawat salam Allah mugi tansah katetepno dhumateng junjungan kito Rasulullah Muhammad SAW, dhumateng keluarga, sahabat, lan umatipun, lumeber dhumateng kito sedoyo. Amin.

Saklajengipun, monggo kito tansah mbudidoyo soho ningkataken iman lan taqwa kito dhumateng Allah SWT kanthi taat dhumateng sedoyo dawuh-dawuhipun Allah lan Rasulullah soho nebihi sedoyo awisan-awisanipun. Jalaran, Allah SWT sampun paring pepenget:

وَمَنْ يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ

Artosipun: “Sing sopo wonge taat marang Allah lan Rasulipun serto dheweke wedi lan taqwa dhumateng Allah, mongko wong-wong kang mengkono mau iku wong-wong kang podho oleh kabegjan.” (QS. An-Nur: 52)

اللهُ أَكْبَرُ (۳)  وَ لِلَّهِ الْحَمْدُ

Hadirin wal hadirat ingkang minulyo.

Al-hamdulillah, dinten punika kita sedoyo ngrayaaken riyoyo Idul Fitri, dinten ingkang dados pratanda sampun paripurna anggen kita nglampahi shiam Ramadhan.

Wonten ing saklebetipun wulan Ramadhan kita nglatih manah lan awak kita supados saget istiqomah anggen kita amal shalih. Ujian saklajengipun inggih punika anjagi amal shalih wonten wekdal saklajengipun sahinggo saget netepi dados tiyang-tiyang ingkang taqwa.

Sebab, salah satunggaling tujuan dipun dawuhaken shiam Ramadhan supados kita saget dados tiyang ingkang taqwa (muttaqin). Taqwa punika kedah njangkepi kesaenan individu ugi sae ing sesrawungan sosial.

اللهُ أَكْبَرُ (۳)  وَ لِلَّهِ الْحَمْدُ

Hadirin wal hadirat ingkang minulyo.

Wonten ing surat Ali Imran ayat 133-134, Allah SWT paring pangandikan:

 

وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأرْضُ أُعِدَّتْ لِلْمُتَّقِينَ (١٣٣) الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ (١٣٤

Artosipun: “Lan pada enggal-enggalo nyuwun pangapuro saking Pangeran sira kabeh lan surga kang jembare sakjembar langit lan bumi kang den janjeake marang wong-wong kang taqwa (133), (yoiku) wong-wong kang tansah infaq ing ndalem kahanan jembar lan rupek, lan wong kang ngampet anggone muring, lan ngapuro (salahe) wong liyo. Lan, Allah tresno marang wong kang gawe kabecikan” (134). (QS. Ali Imran: 133-134).

اللهُ أَكْبَرُ (۳)  وَ لِلَّهِ الْحَمْدُ

Hadirin wal hadirat ingkang minulyo

Saking ayat punika, sifat tiyang ingkang taqwa ing antawisipun: sepisan, tansah nafkahaken sebagian bondonipun kagem mergi ingkang dipun ridlani dening Allah. Anggenipun nafkahaken mboten namung kahanan kathah utawi jembar rezekinipun, ananging kahanan cupet rezekinipun ugi saget paring infak.

Punika nedahaken bilih tiyang ingkang taqwa, ten pundi papan lan kahanan tansah nyepengi keimanan lan keislaman dhumateng Allah.  Kalebet, saklebetipun lan sakparipurnanipun Ramadhan ugi saget njagi kualitas kesalihanipun.

Menawi kita saget ikhtiar njagi kualitas kesalihan kita, insya Allah, kita saget njagi sifat taqwa wonten ing manah lan amal kita.

اللهُ أَكْبَرُ (۳)  وَ لِلَّهِ الْحَمْدُ

Hadirin wal hadirat ingkang minulyo

Kaping kaleh, sifat tiyang ingkang taqwa miturut ayat wau ugi kedah saget nahan amarahipun (al-kadzimin al-ghaidz).  Kanjeng Nabi paring pangandikan:

من كظم غيظا و هو يقدر على إنفاذه ملأ الله قلبه أمنا و إيمانا

Sopo wonge iso nahan amarahe lan dheweke bisa nglakoni, mangka Allah bakal ngebaki rasa aman lan iman ono ing atine”. (HR. Abu Daud)

Dados, menawi kita bade dumugi derajat tiyang ingkang taqwa, kita kedah nahan amarah kita. wonten ing saklebetipun Ramadhan kita sampun dipun latih angendaleaken hawa nafsu kita. Pramilo, saksampunipun Ramadhan kita kedah nglajengaken ikhtiar kita anggenipun njagi kualitas ketaqwaan kita kalebet saget ngampet saking sifat muring wonten ing awak lan manah kita.

Sebab, amarah punika saget ndadosaken situasi lan suasono tambah ruwet. Ugi, saget ngrusak tumraping sesrawungan kita wonten ing tengah-tengah masyarakat.

اللهُ أَكْبَرُ (۳)  وَ لِلَّهِ الْحَمْدُ

Hadirin wal hadirat ingkang minulyo

Kaping tiga, sifat tiyang ingkang taqwa inggih punika tansah kerso paring pangapuro dhumateng sinten kemawon ingkang andamel kekhilafan.

Pramilo, wonten ing ‘Idul Fitri kita dipun dawuhi supados ngapura-ngapuranan sebab punika sebagian sifat lan perilaku tiyang-tiyang ingkang taqwa. Sifat punika saget ngraketaken sesrawungan ingkang mbokbilih sebab kesalahan dados renggang. Sahingga, wasilah pangapuro ingkang ikhlas punika saget nyambung silaturahmi maleh.

Kaping sekawan, sifat tiyang taqwa inggih punika tansah ihktiar ndamel kesaenan (al-ihsan) lan welas asih (ar-rahmah) dhumateng sesami. Al-Muhsinin ten ayat punika saget dipun maknani “tansah paring kemanfaatan dhumateng sesame ugi ngicalaken kemudharatan utawi bahaya” (ishal al-naf’i wa daf’u adh-dharari).

Tiyang sampun dugi derajat muhsinin punika tansah saget andamel kesaenan dhumateng sinten kemawon. Wonten pangandikan :

ليس الإحسان أن تحسن إلى من أحسن إليك ذالك مكافأة، إنما الإحسان أن تحسن إلى من أساء إليك

“Ora (cukup den arani) ihsan/gawe kabecikan tatkalane sira gawe apik marang wong  kang ngapiki sira, iku wis sakmesthine. Ananging, kan den arani gawe apik, yoiku arikalane sira iso ngapiki wong kang gawe olo marang sira.”

 Mugi-mugi kito sedoyo kalebet tiyang-tiyang ingkang taqwa (minal muttaqin) lan tiyang ingkang tansah saget ndamel kesaenan lan kabecikan (aal-muhsinin) dhumateng sesami. Amin Ya Mujibassaailin.

جَعَلَنَا اللهُ وَ إِيَّاكُمْ مِنَ الْعَائِدِيْنَ الْفَائِزِيْنَ السَّالِمِيْنَ الْغَانِمِيْنَ الْمَقْبُوْلِيْنَ. قَالَ اللهُ تَعَالَى وَ هُوَ أَصْدَقُ الْقَائِلِيْنَ: أَعُوْذُ بِاللهِ مِنَ الشَّيْطَانِ الرَّجِيْمِ. قّدْ أَفْلَحَ مَنْ تَزكَّى وَ ذَكَرَ اسْمَ رَبِّهِ فَصَلَّى. وَ قُلْ رَبِّ اغْفِرْ وَ ارْحَمْ وَ أَنْتَ خَيْرُ الرَّاحِمِيْنَ

Khutbah II

اَللهُ أَكْبَرُ 7×، اَلْحَمْدُ ِللهِ رَبِّ الْعَالَمِيْنَ، أَشْهَدُ أَنْ لاَإِلَهَ إِلاَّ اللهُ وَحْدَهُ لاَشَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. فَيَاعِبَادَ اللهِ اِتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ 
قَالَ اللهُ تَعَالىَ فِيْ كِتَابِهِ اْلعَظِيْمِ “إِنَّ اللهَ وَمَلاَئِكَتَهُ يُصَلُّوْنَ عَلىَ النَّبِيِّ, يَا أَيُّهَا الَّذِيْنَ أَمَنُوْا صَلُّوْا عَلَيْهِ وَسَلِّمُوْا تَسْلِيْمًا”. اَللَّهُمَّ صَلِّ وَسَلِّمْ عَلىَ سَيِّدِنَا مُحَمَّدٍ وَعَلىَ اَلِهِ وَأًصْحَابِهِ أَجْمَعِيْنَ. وَالتَّابِعِيْنَ وَتَابِعِ التَّابِعِيْنَ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ. وَعَلَيْنَا مَعَهُمْ بِرَحْمَتِكَ يَا اَرْحَمَ الرَّاحِمِيْنَ
اَللَّهُمَّ اغْفِرْ لِلْمُسْلِمِيْنَ وَاْلمُسْلِماَتِ, وَاْلمُؤْمِنِيْنَ وَاْلمُؤْمِنَاتِ, اَلْأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ يَا قَاضِيَ اْلحَاجَاتِ. رَبَّنَا افْتَحْ بَيْنَنَا وَبَيْنَ قَوْمِنَا بِاْلحَقِّ وَأَنْتَ خَيْرُ اْلفَاتِحِيْنَ. رَبَّنَا أَتِنَا فِي الدُّنْيَا حَسَنَةً وَفِي اْلآخِرَةِ حَسَنَةً وَقِنَا عَذَابَ النَّارِ
عِبَادَ اللهِ إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيْتَاءِ ذِي اْلقُرْبىَ وَيَنْهىَ عَنِ اْلفَحْشَاءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ
donasi bangkit

Advertisement

Fans Page

Advertisement